Wednesday, December 2, 2009

Үнэтэй гутал хэрэгтэй юу?

Гутланд хэдий хэмжээний мөнгө зарцуулах ёстой вэ? Хэрэв үнэхээр чанартай гутал олсон л бол бүү гар тат. Эдэлгээ сайтай гутлыг ноолууран цамц, хослолоос илүү танд хэрэг болох вий. Учир нь жинхэнэ арьсан, оёдол сайтай гутал шүүгээн дэх хувцаснуудаас чинь хамгийн удаан эдлэгддэг болохыг судалгаагаар тогтоожээ.
Размер тааруулахад анхаарах зүйлс
Халуун намраар өвлийн гутлаа бэлдэхдээ зузаан оймс өмсч гарахаа битгий мартаарай. Ихэнх хэрэглэгчид размер тааруулахдаа үүнийг мартчихдаг. Өвлийн гутлыг нимгэн оймстой өмсөхгүй нь мэдээж. Тиймээс гутал тааруулахдаа баримтлах хамгийн эхний дүрэм бол оймсоо бэлдэх. За ингээд оймсоо бэлдсэн бол цагаа хар. Гутал тааруулж авах хамгийн тохиромжтой цаг бол 16-18. Учир нь энэ үеэр явдалдаа “түүртсэн хөл” хөөж тэлэн дээд цэгтээ хүрсэн байдаг. Ажил тань амжихгүй бол цайны цагийг сонгосон ч болох. Өглөөгүүр “илүүдэл жингээ” хаясан хөлд гутал тань яльгүй холхих боловч, өдөржин тав тухыг мэдрэх тул санаа зовох хэрэггүй.

No comments:

Post a Comment